Ni-js van ’t Nettelkörnke

Door op in

Ni-js van ’t Nettelkörnke

 

 

T’is a wier zowiet. Het joar is a weer zowat veurbie. Um disse tied vleeg ik dan altied roond bie de leu van’t dreemanschap. Dit joar echter har ik doar weinig tied veur. Ik heb miezulf n’en mooi boetnverblief anschaft. N’en mooi nust aan de raand van Deurningn. Mooi henig, mer ’t kan d’r ok wa mangs drok wean. Ik har d’r nog helemoal nig bie stil stoan dat dee leu van’t dreemanschap al weer drok ant zeukn wann, dus ik was mien ni’je boetnverblief nog n betke ant verbouwn, zee ik ineens nen bekendn auto ankomn. En joa heur doar hej ze wa, de dree kearls. Ik loat al mien bouwmateriaal vallen en vleeg d’r rap achteran. Zoln de kearls hier ok nen boetnverblief hebbn? Meer vul tied om doarover noa te denkn hek nig want d’r komt nen mooin auto anveurn. Zol dat de ni’je prins wean? D’r stapt twee leu oet, mer tis a oarig doonker, dus kaank nig good zeen wel oft is. D’r stopt nog’n auto en ok doar stapt d’r twee oet. Eenmoal binnen hebt ze de gedien’n nog nig good dicht zitn, dus kaank mooi kiekn wat ze doot. De draank kump op toafel en ok hebt ze wat te knabbeln met bracht. Ik zee dat ze met nen tekening aan kiekn bint. Het lik wa op dat blikweark wat ze altied um hebt. Zo te zeen bint ze nig vies van’n drankje an’t ontwearp te zeen. No zee ik dat ze ant optellen bint. Volgns mie bint ze ant tellen hoeveul ze van dat blikweark neuring bint. No geet’t oawer de kleer volgns mie, meer doar bint ze snel oet zo te zeen. N betke apart mok zegn, meer wa mooi. Ze hebt tr wa skik an en t geet ze good of want de proclamatie zit ok zo inmekaar.

Volgens mie hef ’t dreemanschap wier n mooi duo strikt. Het lik tr op dat ze kloar bint. Tis mear good dat t’r vrouwleu bie bint, dee goat mooi ant ofwaskern. Met sien aln maakt ze de kroam wearn betke an de kaant en goat ze wear vot. Ik vleeg d’r no mear nig achteran. Tis a zowat morgn en mien ni’je nust is ok nog nich kloar.

 

Het ni-jsgierige Nettelkörnke.

« »