Ni-js van ’t Nettelkörnke

Door op in

Ni-js van ’t Nettelkörnke

T’is a wier zowiet. Het joar is a weer zowat veurbie. Um disse tied vleeg ik dan altied roond bie de leu van’t dreemanschap. No was ik lestn wek wat ant roondvleegn int doarp en kwam ik oet bie DSVD. Doar wast mie toch n drökte van belang. En met dat ik doar vöt wil vleegn zee ik ’n bekendn auto ankommn. Kiek twee van de dree kearls zit t’r al in, en de derdn stapt t’r bie in. Zol den talentn ant scout’n wean wes bie DSVD? Rap t’r achteran, woar zoln de kearls hen goan? Het is wa efkes veurn, mearn dan stopt ze bie wa een skier plekske. De auto wörd parkeert op nen verdekten plek, en ze stapt oet. Bie de achterduur steet’n kearl te wochen. Zag ik den no net ok bie DSVD of hek dat nig good seen. Ze goat noar binnen en ik kan nog net seen dat t’r meer leu binn’n bint. Noa veermoal um ’t hoes hen vleegn kom ik t’r achter dat t’r nen raam lossteet. Ik kroep noar binn’n en verstop mie tuske de schooltassen. Bint ze no echt a de polonaise ant loopn. ’t Lik t’r wa op. 4 leu achter mekaar an en ’t dreemanschap kik goodkeurnd too. De kearls heb t’r zin an en de vrouwleu ok. Volgns mie is alns in kann’n en kruukn. Wel sol nen Prins wean? Volgns mie den kearl den bie de deur stön. Den ander pakt an met sien vrouw. Ik vleegn vuurzichtig weer noar boetn en volg dee twee leu. Met de benenwaag goat ze opt hoes op an. Met völ skik proat ze oaver de oamd. Nig vul later stapt ze noar binnen in skier hoes. Ik heur ze nog net zeggn; loaw henig an doon, voort maakt wie d’r wat wakker. Met dak wier trug wil vleegn noar het andere hoes komt den bekendn auto weer langsveurn. Ik besloet t’r mear achteran te goan. Met meuite hoal ik ze bie, mear gelukkig stopt ze noa nen tiedke veurn bie de dorpskroeg. De dree kearls goat noar binn;n en bestelt zich d’r één an’n bar. Ik wet ‘t zeker. Ze hebt ‘t terecht, Carnaval kan wier deurgoan dit joar.

 

 

Het ni-jsgierige Nettelkörnke.

« »